ANEIL
- contact@aneil.lu
Missioun a Beschreiwung
D’ANEIL representéiert Student:innen aus de Beräicher Ingenieurswiesen, Architektur, Naturwëssenschaften, Mathematik an Informatik. Eis Haaptaufgabe bestinn doran, d’Interesse vun dëse Student:innen no baussen ze vertrieden an de Kontakt tëschent hinnen an den Entreprisen hierzestellen. Ausserdeem stelle mir déi Studiegäng a Beruffer, déi domat verbonne sinn, an de Lycéeë vir.
Aktivitéiten
- Studieninformatioun: Presentatiounen an de Lycéeën a Stand op der Foire de l’Étudiant
- meeting. (Table Ronde) vun der ANEIL. Hei stellen sech Entreprisë vir an d’Student:inne kënne Kontakter mat der Beruffswelt knëppen an no Stagen oder festen Ustellunge sichen.
- Interessant Visitte vu Projeten an Entreprise
- Eng gréisser Rees pro Joer
- E Fräibéier, deen nom meeting. stattfënnt
- Vertriede vu Lëtzebuerg op der Konferenz vun den EYE (European Young Engineers)
- Publizéiere vun Annoncë fir Stagen an Aarbechtsplazen op eisem Site
Publikatiounen
- 4ß CONTACT
De 4ßcontact ass eng Broschür, déi all Joer als Ergänzung op der Table Ronde vun der ANEIL un all d’Participanten ausgedeelt gëtt.
E faasst déi wichtegst Informatiounen zu den Entreprisen zesummen an e liwwert de Studenten an Diploméierten deen néidege Startpunkt fir eng Bewerbung.
- Bulli
De Bulli (kënnt vu „bulletin“) ass déi offiziell Zäitschrëft vun der ANEIL. E gëtt 3 mol am Joer gratis un all Member vun der ANEIL verschéckt an enthält Artikelen a Fotoe vun hiren Aktivitéiten, wëssenschaftlech Resuméen an aner interessant an nëtzlech Informatiounen.
- Let’s engineer
De Let’s Engineer ass hir Broschür fir zukünfteg Ingenieurstudenten. E gëtt all Joer gratis op der Foire de l’Etudiant verdeelt an enthält kuerz a knapp gefaasst déi wichtegt Informatiounen zum Ingenieurstudium a -beruff, sou wéi eng Beschreiwung vun deene wichtegste Studiegäng.
