Du fënns net wat s du brauchs?
Wunnengsbäihëllef
De Guichet unique des aides au logement vum Ministère fir Wunnengsbau a Landesplanung bitt dir Informatiounen zu follgenden Themen:
- D’Wunnen op gesetzlechem, administrativem an techneschem Plang
- Individuell Hëllefe fir de Logement
- Bautechniken a Gesetzer
- Ekologesch a performant Bauen op Basis vum Energieplang
Denk och un de Crédit d’impôt op den Akte vum Notaire bzw. d’Zréckbezuele vun der TVA um Logement, Mesuren, déi vun der Administration de l’enregistrement et des domaines pro poséiert ginn.
Abordabel Wunnengen an d‘Gestion locative sociale
Leit mat engem niddregen Akommes hunn d’Méiglechkeet, eng Wunneng iwwert ee vum Ministère fir Wunnengsbau a Landesplannung konventionéierte Partner ewéi z. B d’AIS, d’Wunnengshëllef etc. ze lounen. De Partner stellt d’Wunneng, zu
engem abordabele Präis zur Verfügung. Déi konventionéiert Partner fënns du ënnert https://logement.public.lu/fr/locataire/gestion-locative-sociale.html
De Fonds du Logement an d’Société Nationale des Habitationsà Bon Marché (SNHBM) sinn ëffentlech Promoteure vum Marché vun den abordabele Wunnengen, déi ee kafen oder loune kann, wann ee verschidde Konditiounen erfëllt.
